位置: 主页 > 有趣生活 >童话国欧游提案!5大必去 德国 梦幻景点@Travel佳 >
  • 童话国欧游提案!5大必去 德国 梦幻景点@Travel佳

    2020-07-28
    (Presented by Premium Holidays)

    我Travel佳最锺意就係假期之后先出发,贪人少啲、食住都平啲!过完年又到情人节喇,如果你谂住喺呢个浪漫节日同身边嘅BB一齐出发歎番个假期,抑或想趁3月淡季嚟转欧游,我都建议你去 德国 嚟个轻鬆豪饮豪食浪漫之旅,行下古堡同小镇享受宁静时光。如果你对 德国 毫无头绪,等我Travel佳介绍五大心水景点俾你,等你幻想下亲身飞到童话国有几咁浪漫。

    德国 五大梦幻景点

    1. 罗登堡

    童话国欧游提案!5大必去 德国 梦幻景点@Travel佳

    讲到最吸引人嘅童话小镇,一定非罗登堡莫属!位于南边的罗登堡,全城建筑仍然保留着中古气息,每幢建筑物的屋顶都油上深浅不一嘅橙红色,远望就好似宝石咁,因此又名红色城堡,亦係罗登堡德文Rothenburg的意思。最吸引我嘅係呢个小镇好多小巷俾我行,每条巷入面总会有好典雅精緻嘅陶瓷店,由小巷慢慢走到市中心嘅市集广场、市政厅同圣雅各教堂等地方,每个转角都好似故事书入面嘅场景咁,又靓又浪漫,的确令我好难忘!

    2. 新天鹅堡

    童话国欧游提案!5大必去 德国 梦幻景点@Travel佳

    嚟到 德国 嘅必去景点,我谂唔少人都会答你新天鹅堡。连埋旧天鹅堡园区共有四座城堡,而新天鹅堡建于19世纪末,内里装饰华丽优雅。城堡嘅建筑群的确好梦幻,就连迪士尼嘅LOGO同埋乐园入面嘅公主城堡等设施,都参照咗新天鹅堡嘅外形而设计,你就知道呢个地方绝对係浪漫建筑嘅指标。

    3. 哈美恩

    童话国欧游提案!5大必去 德国 梦幻景点@Travel佳

    讲哈美恩你可能未听过,但讲到格林兄弟你实听过!格林兄弟生于 德国 ,后来佢哋去到哈美恩嘅时候,就以呢个地方为创作根源,写出《吹笛的捕鼠人》童话故事。直到而家,成个城市都有唔少故事中嘅角色出现,好似吹笛手的雕像、装饰,而且地面仲会有老鼠脚印,指出城市景点嘅方向,将童话元素变成城市装饰。

    4. 慕尼黑

    童话国欧游提案!5大必去 德国 梦幻景点@Travel佳

    慕尼黑作为 德国 的第三大城市,除咗啤酒够吸引,其实市内景色亦都好特别!始终是大城市,城市的新旧建筑穿插其中,行完圣母教堂、圣彼德教堂等古典建筑,一定要行新旧市政厅,虽然风格迥异,但係同样宏伟,正正因为呢种新旧交替的特别建筑风光,令慕尼黑有「欧洲建筑博物馆」嘅美誉。

    5. 楚格峰

    童话国欧游提案!5大必去 德国 梦幻景点@Travel佳

    行完咁多古镇,嚟得 德国 当然唔少得去楚格峰啦!楚格峰属阿尔卑斯山脉嘅其中一个山峰,最高有海拔2,962米高,沿途搭缆车上去嗰时,已经欣赏到极奇壮丽嘅雪山景色,但係最靓都係最高嘅观景台位置,一望出去就见到延绵意大利、奥地利同瑞士三个国家嘅四百几座山峰,撞正见到日出日落仲可以睇埋日照金山嘅奇景,靓到讲唔到嘢!

    介绍完五个心水地方,若然想舒舒服服同BB或者屋企人度下假,就梗係要歎到尽,唔想咁频扑就可以报团玩,嚟紧尊赏假期2月同3月都会举办 德国 旅行团,去匀以上五个景点,沿途仲会带你去米芝莲餐厅食饭,实行豪玩豪食。

     

    德国11天浪漫之路、童话之路、城堡之路、阿尔卑斯山之路 $21,998起

    出发

    行程:汉堡、不来梅、哈美恩、哥廷根、卡塞尔、科堡、班贝格、纽伦堡、符兹堡、 罗登堡、斯图加特、迪的斯湖、新天鹅堡、楚格峰大雪山、国王湖、慕尼黑

    查询:尊赏假期 2115 9828

    网址

    全力支持:德国国家旅游局

    如欲了解更多德国资讯,请浏览http://www.germany.travel



    上一篇: 下一篇: